திருகோணமலைக்கு வருகைதரவிருந்த வெளிநாட்டு சுற்றுலாப் பயணிகளை அழைத்துவருவதற்காக கொழும்பு நோக்கிப் பயணித்துக்கொண்டிருந்த தனியார் சொகுசு பேருந்து ஒன்று இன்று (11) அதிகாலை தீப்பற்றி முற்றாக எரிந்து சேதமடைந்துள்ளது.
இந்தச் சம்பவம் ஹபரணை பொலிஸ் பிரிவுக்குட்பட்ட ஜக்க பங்குவ பகுதிக்கு அருகில், வீதியின் 144ஆவது கிலோமீட்டர் மைல்கல் பகுதியில் அதிகாலை சுமார் 3.00 மணியளவில் இடம்பெற்றுள்ளதாகத் தெரிவிக்கப்படுகிறது.
🚍 பேருந்தில் இருந்த இருவருக்கும் பாதிப்பில்லை!
தீ விபத்து ஏற்பட்டபோது பேருந்தில் சாரதியும் நடத்துநரும் மாத்திரமே இருந்துள்ளனர்.
அதிர்ஷ்டவசமாக, அவர்கள் இருவருக்கும் எந்தவிதமான பாதிப்பும் ஏற்படவில்லை எனத் தெரிவிக்கப்பட்டுள்ளது.
எனினும், தீ வேகமாகப் பரவியதால் பேருந்து முற்றாக எரிந்து சேதமடைந்துள்ளதாகத் தகவல்கள் தெரிவிக்கின்றன.
🔎 தீ விபத்துக்கான காரணம் என்ன?
திருகோணமலைக்கு வருகைதரவிருந்த வெளிநாட்டு சுற்றுலாப் பயணிகளை அழைத்துவரும் நோக்கில் பேருந்து பயணித்துக்கொண்டிருந்தபோதே இந்தச் சம்பவம் இடம்பெற்றுள்ளது.
தீ விபத்துக்கான காரணம் தொடர்பில் இதுவரை உறுதியான தகவல்கள் வெளியாகவில்லை.
சம்பவம் தொடர்பாக ஹபரணை பொலிஸார் மேலதிக விசாரணைகளை முன்னெடுத்து வருகின்றனர்.
