General Sir John Kotelawala Defence University (KDU)-வின் புதிய துணைவேந்தராக ஏர் வைஸ் மார்ஷல் இந்திக விக்கிரமசிங்க அதிகாரப்பூர்வமாக பொறுப்பேற்றுள்ளார்.
அவர் செப்டம்பர் 1, 2026 அன்று தனது புதிய பதவியில் கடமைகளை ஆரம்பித்துள்ளார்.
விமானப்படையின் Aeronautical Engineering துறையில் நீண்டகால அனுபவம் கொண்ட இவர், இலங்கை விமானப்படையில் பல முக்கிய பொறுப்புகளை வகித்துள்ளார்.
அவரது பதவியேற்பு நிகழ்வில் இராணுவ மரியாதைகள், அணிவகுப்பு மற்றும் மரக்கன்று நடுகை உள்ளிட்ட நிகழ்வுகள் இடம்பெற்றன. பல்கலைக்கழகத்தின் மூத்த நிர்வாக அதிகாரிகள், பீடாதிபதிகள், அதிகாரி பயிலுநர்கள் உள்ளிட்டோர் நிகழ்வில் கலந்துகொண்டனர்.
பின்னர் பீடாதிபதிகளுடன் இடம்பெற்ற சந்திப்பில், தரமான கல்வி, கல்விசார் சிறப்பு மற்றும் ஆராய்ச்சி நடவடிக்கைகளை மேம்படுத்துதல் ஆகியவற்றுக்கு முன்னுரிமை வழங்கப்படும் என அவர் வலியுறுத்தியுள்ளார்.
KDU-வின் கல்வித் தரத்தையும் ஆராய்ச்சி செயல்திறனையும் மேலும் உயர்த்த அனைத்து பணியாளர்களின் ஒத்துழைப்பையும் புதிய துணைவேந்தர் கோரியுள்ளார்.
