இலங்கை தமிழ் வம்சாவளியைச் சேர்ந்த ஆஸ்திரேலிய கால்பந்து வீரர் Nishan Velupillay, 2026 FIFA உலகக் கிண்ணத்திற்கான ஆஸ்திரேலியாவின் இறுதி 26 பேர் கொண்ட அணியில் இடம்பிடித்து வரலாற்றுச் சாதனை படைத்துள்ளார்.
24 வயதான நிஷான் வேலுப்பிள்ளை, ஆஸ்திரேலியாவின் பிரபல கழகமான Melbourne Victory அணிக்காக விளையாடி வருவதுடன், உலகக் கிண்ணத் தொடருக்கான அணியை அறிவித்த பயிற்சியாளர் Tony Popovic அவர்களால் தேர்வு செய்யப்பட்டுள்ளார்.
மெல்போர்னில் பிறந்த நிஷானின் தந்தை மலேசியர் என்றாலும், அவருக்கு இலங்கை தமிழ் வேர்கள் உள்ளன. தாயார் ஆங்கிலோ-இந்திய வம்சாவளியைச் சேர்ந்தவர்.
2026 FIFA உலகக் கிண்ண தகுதிகாண் போட்டியில் சீனாவுக்கு எதிரான தனது அறிமுக சர்வதேச போட்டியிலேயே கோல் அடித்து கவனம் பெற்ற நிஷான், ஆஸ்திரேலியாவின் உலகக் கிண்ண தகுதிபெறும் பயணத்திலும் முக்கிய பங்காற்றியிருந்தார்.
இந்த முறை ஆஸ்திரேலிய அணியில் இடம்பெற்றுள்ள 17 புதிய உலகக் கிண்ண வீரர்களில் நிஷானும் ஒருவராவார்.
அவரது இந்த சாதனை, உலகெங்கும் வாழும் இலங்கை மற்றும் தமிழ் சமூகங்களிடையே பெரும் வரவேற்பைப் பெற்றுள்ளதுடன், புலம்பெயர் பின்னணியைக் கொண்ட இளம் விளையாட்டு வீரர்களுக்கு ஒரு உத்வேகமாகவும் பார்க்கப்படுகிறது.
🏆 அமெரிக்கா, கனடா மற்றும் மெக்சிகோவில் நடைபெறவுள்ள 2026 FIFA உலகக் கிண்ணத்தில், ஆஸ்திரேலிய அணியின் தாக்குதல் பிரிவில் நிஷான் வேலுப்பிள்ளை முக்கிய பங்கு வகிப்பார் என எதிர்பார்க்கப்படுகிறது.
