CBL Group நிறுவனத்தின் தலைவர் ரம்யா சனத் அமரவீர விக்கிரமசிங்க காலமானதாக நிறுவனம் இன்று அறிவித்துள்ளது.
நிறுவனம் வெளியிட்ட அறிக்கையில், அவர் வெற்றிகரமான வணிகத்தை மட்டும் அல்லாமல், நம்பிக்கை, நேர்மை மற்றும் புதுமை ஆகியவற்றை அடிப்படையாகக் கொண்ட ஒரு சமூகத்தை உருவாக்குவதற்காக தனது வாழ்க்கையை அர்ப்பணித்ததாக குறிப்பிடப்பட்டுள்ளது.
அவரின் பார்வை இலங்கையை உலகளாவிய வர்த்தக வரைபடத்தில் உயர்த்த உதவியது என்றும், அவரது மனிதநேயம் மற்றும் பண்புகள் பலரின் வாழ்க்கையை தொட்டதாகவும் நிறுவன அறிக்கை தெரிவித்துள்ளது.
“அவர் எங்களுக்கு ஒரு தலைவர் மட்டுமல்ல; ஒரு வழிகாட்டி, தந்தைபோன்றவர் மற்றும் ஊக்கமளிப்பவர்,” என நிறுவனம் வெளியிட்ட அறிக்கையில் கூறப்பட்டுள்ளது.
அவரது மறைவு நிறுவனத்திற்கு பெரும் வெற்றிடத்தை ஏற்படுத்தியுள்ளதாகவும், அவரது மதிப்புகள் மற்றும் பாரம்பரியம் தொடர்ந்து நிறுவனத்தை வழிநடத்தும் என்றும் தெரிவிக்கப்பட்டுள்ளது.
“அவர் நிபந்தனையற்ற நிர்வாணத்தை அடையட்டும்” எனவும் நிறுவனம் அஞ்சலி தெரிவித்துள்ளது.
