2026 உலகக் கோப்பை கால்பந்து தொடரில் பல வீரர்கள் இளஞ்சிவப்பு (Pink) நிற காலணிகளை அணிந்து விளையாடுவது வெறும் தற்செயல் அல்ல. உலகின் முன்னணி விளையாட்டு உபகரண நிறுவனங்களான Nike, Adidas மற்றும் Puma ஆகியவை இந்த உலகக் கோப்பைக்காக சிறப்பு இளஞ்சிவப்பு காலணி தொகுப்புகளை அறிமுகப்படுத்தியுள்ளன.
அறிக்கைகளின்படி, இந்த நிறம் மைதானத்தின் பச்சை புல்வெளியில் மிகவும் தெளிவாகத் தெரியும் என்பதாலும், தொலைக்காட்சி ஒளிபரப்புகளிலும் வீரர்களை எளிதில் அடையாளம் காண முடியும் என்பதாலும் தேர்வு செய்யப்பட்டுள்ளது.
Nike கால்பந்து காலணி பிரிவு அதிகாரி ஒடிங்கா நிமாகோ கூறுகையில், முக்கிய போட்டிகளில் பிரகாசமான நிற காலணிகள் வீரர்களுக்கு அதிக தன்னம்பிக்கையை அளிப்பதாக ஆய்வுகள் காட்டியுள்ளன என்றார்.
“பெரிய தருணங்களில் பிரகாசமான நிறங்கள் வீரர்களுக்கு நம்பிக்கையைத் தருகின்றன என்று தொடர்ந்து கேட்டு வருகிறோம்,” என அவர் தெரிவித்துள்ளார்.
மேலும், உலகக் கோப்பையில் பங்கேற்கும் 48 அணிகளில் எதுவும் இளஞ்சிவப்பு நிற ஜெர்சிகளை அணியாததால், இந்த காலணிகள் மேலும் தனித்துவமாகத் தெரிகின்றன.
இருப்பினும் சில நட்சத்திர வீரர்கள் இந்த போக்கை பின்பற்றவில்லை. Lionel Messi வெள்ளை மற்றும் நீல நிற சிறப்பு Adidas காலணிகளை அணிந்துள்ளார். அதேவேளை Cristiano Ronaldo போர்ச்சுகலின் முதல் உலகக் கோப்பை போட்டிக்காக தனிப்பட்ட தங்க நிற காலணிகளை பெற்றிருந்தார்.
2026 FIFA உலகக் கோப்பையின் மிகவும் கவனத்தை ஈர்த்த காட்சிகளில் ஒன்றாக இந்த இளஞ்சிவப்பு காலணி போக்கு மாறியுள்ளது. கிட்டத்தட்ட ஒவ்வொரு போட்டியிலும் பல வீரர்கள் இளஞ்சிவப்பு காலணிகளை அணிந்து விளையாடுவது ரசிகர்களின் கவனத்தை ஈர்த்துள்ளது.
