ஐரோப்பாவின் பல பகுதிகளை கடுமையான வெப்ப அலை தாக்கி வரும் நிலையில், ஜெர்மனி தனது வரலாற்றிலேயே அதிகபட்ச வெப்பநிலையை பதிவு செய்துள்ளது.
சனிக்கிழமை, ஜெர்மனியின் சாக்சனி-அன்ஹால்ட் (Saxony-Anhalt) மாநிலத்தின் ட்ரூவிட்ஸ் (Drewitz) பகுதியில் 41.5°C வெப்பநிலை பதிவாகியுள்ளதாக அந்நாட்டின் தேசிய வானிலை சேவை வெளியிட்ட ஆரம்பகட்ட தகவல்கள் தெரிவிக்கின்றன.
இந்த வெப்பநிலை, அதற்கு முந்தைய நாளில் சார்ப்ரூக்கன் (Saarbrücken) அருகே பதிவான 41.3°C என்ற முந்தைய தேசிய சாதனையை முறியடித்துள்ளது.
ஐரோப்பாவை தாக்கி வரும் கடுமையான வெப்ப அலை காரணமாக, பல நாடுகளில் அதிக வெப்பநிலை, காட்டுத்தீ அபாயம் மற்றும் சுகாதார எச்சரிக்கைகள் விடுக்கப்பட்டுள்ளன.
