ஐரோப்பா முழுவதும் தாக்கிய கடுமையான வெப்ப அலை காரணமாக, கடந்த ஜூன் 21 முதல் இதுவரை 1,300க்கும் மேற்பட்ட அதிகப்படியான மரணங்கள் பதிவாகியுள்ளதாக உலக சுகாதார அமைப்பு (WHO) தெரிவித்துள்ளது.
WHO வெளியிட்ட தகவலின்படி, இந்த நீடித்த அதிதீவிர வெப்பநிலை பொதுச் சுகாதாரத்திற்கு கடுமையான ஆபத்தை ஏற்படுத்தி வருகிறது. குறிப்பாக முதியவர்கள், குழந்தைகள் மற்றும் நீண்டகால நோய்களுடன் வாழும் மக்கள் அதிக பாதிப்புக்குள்ளாகும் அபாயம் உள்ளதாகவும் எச்சரிக்கப்பட்டுள்ளது.
மேலும், ஐரோப்பா முழுவதும் சுமார் 191 மில்லியன் மக்கள் குறைந்தது 35°C அல்லது அதற்கு மேற்பட்ட வெப்பநிலையை அனுபவிக்கக்கூடும் எனவும் AFP கணக்கீடுகள் தெரிவிக்கின்றன.
ஜெர்மனி, செக் குடியரசு, ஹங்கேரி மற்றும் போலந்து உள்ளிட்ட நாடுகளில் அதிக வெப்பம் எதிர்பார்க்கப்படுவதால், அதிகாரிகள் வெப்ப எச்சரிக்கைகளை வெளியிட்டு மக்கள் முன்னெச்சரிக்கையுடன் இருக்குமாறு அறிவுறுத்தியுள்ளனர்.
இந்த வெப்ப அலை காரணமாக பல நாடுகளில் வெப்பநிலை சாதனைகள் முறியடிக்கப்பட்டதுடன், காட்டுத் தீ, அன்றாட வாழ்க்கை இடர்பாடுகள் மற்றும் மருத்துவ சேவைகளுக்கு கூடுதல் அழுத்தம் ஏற்பட்டுள்ளதாகவும் தெரிவிக்கப்பட்டுள்ளது.
