இங்கிலாந்தில் 20 வயதுகளில் உள்ள பெண்களிடையே டைப் 2 நீரிழிவு நோய் (Type 2 Diabetes) பாதிப்பு வேகமாக அதிகரித்து வருவதாக புதிய ஆய்வு ஒன்று எச்சரித்துள்ளது.
இம்பீரியல் கல்லூரி லண்டன் (Imperial College London) ஆய்வாளர்கள், 2011 முதல் 2024 வரை NHS தரவுகளை பயன்படுத்தி மேற்கொண்ட ஆய்வில், வயதானவர்களிடையே புதிய நீரிழிவு நோய் பதிவுகள் சற்று குறைந்துள்ள போதிலும், 40 வயதிற்குட்பட்டவர்களிடையே குறிப்பாக 20–29 வயது பெண்களிடையே பாதிப்பு அதிகரித்து வருவதாக கண்டறிந்துள்ளனர்.
NHS இங்கிலாந்து மதிப்பீட்டின்படி, 30 வயதிற்குட்பட்ட சுமார் 12,000 பேர் டைப் 2 நீரிழிவு நோயுடன் வாழ்ந்து வருகின்றனர்.
ஆய்வாளர்கள், இளம் வயதிலேயே அதிக உடல் பருமன் (Obesity) ஏற்படுவது இந்த அதிகரிப்புக்கு முக்கிய காரணமாக இருக்கலாம் என தெரிவித்துள்ளனர். கொவிட்-19 தொற்றுக்குப் பின்னர் அதிகரித்த உடல் எடை மற்றும் வாழ்க்கை முறை மாற்றங்களும் இதற்கு காரணமாகக் குறிப்பிடப்பட்டுள்ளது.
ஆய்வின் முன்னணி ஆராய்ச்சியாளர் டாக்டர் ஷிவானி மிஸ்ரா, இளம் வயதில் ஏற்படும் டைப் 2 நீரிழிவு நோய் எதிர்காலத்தில் தீவிரமான உடல்நல பாதிப்புகளை ஏற்படுத்தும் என எச்சரித்துள்ளார்.
Diabetes UK அமைப்பும், இளம் வயதில் நீரிழிவு நோய் ஏற்படுவது இதய நோய், பக்கவாதம் மற்றும் உறுப்புகள் பாதிப்பு போன்ற சிக்கல்களின் அபாயத்தை அதிகரிக்கலாம் என தெரிவித்துள்ளது.
ஆரம்பகால கண்டறிதல், ஆரோக்கியமான உணவுமுறை, உடற்பயிற்சி மற்றும் உடல் எடை கட்டுப்பாடு ஆகியவை நோய் அபாயத்தை குறைக்க உதவும் என நிபுணர்கள் அறிவுறுத்தியுள்ளனர்.
டைப் 2 நீரிழிவு நோயின் பொதுவான அறிகுறிகள்:
அதிக தாகம்
அடிக்கடி சிறுநீர் கழித்தல்
தொடர்ச்சியான சோர்வு
என்பனவாகும்.
