கொழும்பு மற்றும் அதனைச் சூழவுள்ள பகுதிகளில் பயணிகளுக்கான பொது போக்குவரத்து சேவையை மேலும் திறம்படவும் ஒழுங்குபடுத்தப்பட்ட முறையிலும் வழங்கும் நோக்கில், லங்கா மெட்ரோ டிரான்சிட் திட்டத்தின் கீழ் புதிய 7 பேருந்து வழித்தடங்கள் அறிமுகப்படுத்தப்பட்டுள்ளன.
இதற்கமைய, புதிதாக அறிவிக்கப்பட்டுள்ள பேருந்து வழித்தடங்கள் பின்வருமாறு:
- மக்கும்புர – பேட்டை (23.3 கிலோமீற்றர்)
- மில்லேனியம் சிட்டி – கொழும்பு கோட்டை (22.3 கிலோமீற்றர்)
- கடவத்தை – மக்கும்புர (34.8 கிலோமீற்றர்)
- தெமட்டகொட – பாணந்துறை (28.7 கிலோமீற்றர்)
- பத்தரமுல்ல – ஏக்கல (29.9 கிலோமீற்றர்)
- கொள்ளுப்பிட்டி சுற்றுப்பாதை (14 கிலோமீற்றர்)
- கெஸ்பேவ – பேட்டை (35.7 கிலோமீற்றர்)
இந்த புதிய வழித்தடங்கள் மூலம் கொழும்பு நகரம் மற்றும் புறநகர் பகுதிகளுக்கு இடையிலான இணைப்பு வசதிகள் மேம்படுத்தப்படுவதுடன், பயணிகளுக்கு வசதியான மற்றும் நம்பகமான பொது போக்குவரத்து சேவையை வழங்க முடியும் என எதிர்பார்க்கப்படுகிறது.
