நுவரெலியாவில் தற்போதும் நிலவும் சிறிய மழை, காற்று மற்றும் பனிமூட்டம் காரணமாக படகு சவாரியை ஆரம்பிக்க அனுமதி வழங்கப்படவில்லை என தெரிவிக்கப்படுகிறது.
இதனால் நுவரெலியா கிரகரி வாவி பகுதியில் சுற்றுலாப் பயணிகளின் வருகை குறைந்து, அவ்விடம் வெறிச்சோடி காணப்படுகிறது. அத்துடன் சுற்றுலாத்தலங்களை கண்டு ரசிக்கும் சுற்றுலாப் பயணிகள் படகில் சவாரி செய்ய முடியாமல் ஏமாற்றத்துடன் திரும்பிச் செல்வதாகவும் கூறப்படுகிறது.
நுவரெலியாவில் அடை மழை பெய்துவருகின்றது. கடும் காற்றும் வீசுகின்றது. கடும் பனிமூட்டமும் நிலவுகின்றது. இவ்வாறு சீரற்ற காலநிலை நிலவுவதால் நுவரெலியா, கிரகரி வாவியில் படகு சவாரி நிறுத்தப்பட்டுள்ளது.
அறிவித்தல் விடுக்கப்படும்வரை படகுசவாரி இடைநிறுத்தப்பட்டுள்ளது என அறிவிக்கப்பட்டுள்ளது.
சீரற்ற காலநிலையால் படகு சவாரி பாதிக்கப்பட்டுள்ளதால் தமது வாழ்வாதாரம் பாதிக்கப்பட்டுள்ளது என படகு சேவையை வழங்குபவர்கள் தெரிவித்துள்ளனர்.
