சம்மாந்துறை நம்பிக்கையாளர் சபையின் பராமரிப்பின் கீழுள்ள பள்ளிவாசல்களுக்குச் சொந்தமான 150 ஏக்கர் காணிகளை 2026/2027 ஆம் ஆண்டுக்கான மகா போக நெற்செய்கைக்காகக் குத்தகைக்கு வழங்கியதன் மூலம் சுமார் ஒரு கோடி ரூபாய் வருமானம் கிடைத்துள்ளதாக சம்மாந்துறை நம்பிக்கையாளர் சபையின் உறுப்பினர் ஒருவர் தெரிவித்துள்ளார்.
சம்மாந்துறை நம்பிக்கையாளர் சபையின் பராமரிப்பின் கீழ் மொத்தம் 168 ஏக்கர் பள்ளிவாசல் காணிகள் காணப்படுகின்றன. அவற்றில் 150 ஏக்கர் காணிகளே இம்முறை மகா போக நெற்செய்கைக்காகக் குத்தகைக்கு வழங்கப்பட்டுள்ளன.
குறித்த காணிகளைக் குத்தகைக்கு வழங்கும்போது, ஒரு ஏக்கருக்கு 50,000 ரூபாய் முதல் 70,000 ரூபாய் வரையான தொகை குத்தகை விலையாக நிர்ணயிக்கப்பட்டுள்ளதாகத் தெரிவிக்கப்படுகிறது. இதன்படி, சில காணிகளுக்கு ஒரு ஏக்கருக்கு அதிகபட்சமாக 70,000 ரூபாய் வரை குத்தகைத் தொகை வழங்கப்பட்டுள்ளது.
இக்காணிகளைக் குத்தகைக்கு வழங்கியதன் மூலம் சுமார் ஒரு கோடி ரூபாய் வருமானம் கிடைத்துள்ளதாக சபையின் உறுப்பினர் ஒருவர் குறிப்பிட்டுள்ளார்.
இதேவேளை, சபையின் பராமரிப்பின் கீழுள்ள மொத்தம் 168 ஏக்கர் காணிகளில் எஞ்சியுள்ள 18 ஏக்கர் காணிகள் 2026/2027 ஆம் ஆண்டுக்கான மகா போகச் செய்கைக்காகக் குத்தகைக்கு வழங்கப்படவில்லை எனத் தெரிவிக்கப்படுகிறது.
