அகலவத்தை பிரதேச சபையின் உப தவிசாளராகப் பணியாற்றிய இந்திக ஜயலத் தனது பதவியை இராஜினாமா செய்ய தீர்மானித்துள்ளார்.
தனது முடிவிற்கான காரணங்களைக் குறிப்பிட்டு, சபைத் தவிசாளருக்கு கடிதம் ஒன்றையும் கையளித்துள்ளார்.
அகலவத்தையின் நகரத் திட்டமிடல் தோல்வியடைந்தமை, அகலவத்தையில் நீதிமன்றக் கட்டடத் தொகுதியைக் கொண்டு வருவதற்கு மற்றும் புதிய பொலிஸ் நிலையத்திற்கு இடவசதி வழங்காமை, யடியன பிரதேசத்தில் வர்த்தக நிலையத்தை அமைப்பதில் தோல்வி, அனர்த்த முகாமைத்துவக் கட்டடத்தை அகற்றாமை உள்ளிட்ட பல காரணங்களை அவர் அந்தக் கடிதத்தில் குறிப்பிட்டுள்ளார்.
அத்துடன், நிதி மற்றும் கொள்கைக் குழு மற்றும் தொழில்நுட்பச் சேவைக் குழு ஆகியவற்றிலிருந்தும் விலகுவதாக அவர் அந்தக் கடிதத்தில் மேலும் தெரிவித்துள்ளார்.
“எனக்கு மக்களின் ஆணை கிடைத்தது ஒடுக்கப்பட்ட வர்க்கத்தினரிடமிருந்தே. அவர்களின் வியர்வை மற்றும் கண்ணீர் மூலம் நான் வந்த இந்தப் பயணத்தில், அவர்களுக்காக என்னால் எந்த மாற்றத்தையும் செய்ய முடியாவிட்டால், பதவியை மட்டும் இறுகப் பற்றிக்கொண்டு இருப்பது பாவமாகும்.
இந்தச் சூழலை சாபக்கேடாக மாற்ற எனக்கு விருப்பமில்லை என்பதால், இந்தத் தருணத்தில் உப தவிசாளர் பதவியிலிருந்து இராஜினாமா செய்கிறேன். எனவே, இன்று முதல் நடைமுறைக்கு வரும் வகையில், அகலவத்தை பிரதேச சபையின் உப தவிசாளர் பதவியிலிருந்து நான் இராஜினாமா செய்கிறேன்” என்று அவர் அந்தக் கடிதத்தில் குறிப்பிட்டுள்ளார்.
