ICC உலக டெஸ்ட் சம்பியன்ஷிப் 2025–27 புள்ளிப்பட்டியலில் அவுஸ்திரேலிய அணி தொடர்ந்தும் முதலிடத்தை தக்கவைத்துள்ளது.
பங்களாதேஷுக்கு எதிரான இரண்டாவது டெஸ்ட் போட்டியில் இன்னிங்ஸ் மற்றும் 51 ஓட்டங்களால் வெற்றிபெற்றதன் மூலம், அவுஸ்திரேலியா 10 போட்டிகளில் 96 புள்ளிகளுடன் 80.00% புள்ளி சதவீதத்தைப் பெற்றுள்ளது.
தென்னாபிரிக்கா 75.00% புள்ளி சதவீதத்துடன் இரண்டாவது இடத்திலும், நியூசிலாந்து 72.22% உடன் மூன்றாவது இடத்திலும் உள்ளன. பங்களாதேஷ் 55.56% உடன் நான்காவது இடத்திலும், இந்தியா 53.33% உடன் ஐந்தாவது இடத்திலும் காணப்படுகின்றன.
இலங்கை அணி 5 போட்டிகளில் 20 புள்ளிகளுடன் 33.33% புள்ளி சதவீதத்தைப் பெற்று 6ஆவது இடத்தில் உள்ளது.
இங்கிலாந்து, மேற்கிந்தியத் தீவுகள் மற்றும் பாகிஸ்தான் அணிகள் இலங்கைக்கு அடுத்தடுத்த இடங்களில் உள்ளன.
இந்நிலையில், கொழும்பு எஸ்.எஸ்.சி. மைதானத்தில் இன்று நடைபெறும் இந்தியா – இலங்கை அணிகளுக்கிடையிலான இரண்டாவது டெஸ்ட் போட்டியின் முடிவு, இரு அணிகளின் உலக டெஸ்ட் சம்பியன்ஷிப் புள்ளிப்பட்டியல் நிலைகளிலும் தாக்கத்தை ஏற்படுத்தக்கூடும்.
