கொழும்பில் நடைபெற்ற இந்தியா – இலங்கை அணிகளுக்கு இடையிலான 2ஆவது டெஸ்ட் போட்டி சமநிலையில் முடிவடைந்துள்ளது.
முதல் இன்னிங்ஸில் 213 ஓட்டங்கள் பின்தங்கிய நிலையில் இந்திய அணி இலங்கைக்கு Follow-on வழங்கியது. இதனால் இன்னிங்ஸ் தோல்வியை எதிர்கொண்ட இலங்கை அணி, 2ஆவது இன்னிங்ஸில் அபாரமான போராட்டத்தை வெளிப்படுத்தி போட்டியை சமநிலைக்கு கொண்டு வந்தது.
இந்திய அணி தனது முதல் இன்னிங்ஸில் 9 விக்கெட் இழப்புக்கு 503 ஓட்டங்கள் பெற்று ஆட்டத்தை இடைநிறுத்தியது. தேவ்தத் படிக்கல் 117 ஓட்டங்களையும், துருவ் ஜூரெல் ஆட்டமிழக்காமல் 115 ஓட்டங்களையும் பெற்றனர்.
இதற்கு பதிலளித்த இலங்கை அணி முதல் இன்னிங்ஸில் 290 ஓட்டங்களுக்கு ஆட்டமிழந்தது. இளம் வீரர் சோனல் தினுஷா 103 ஓட்டங்களை விளாசினார்.
Follow-on வழங்கப்பட்ட நிலையில் 2ஆவது இன்னிங்ஸை ஆரம்பித்த இலங்கை அணி ஒரு கட்டத்தில் 218/6 என தடுமாறியது. எனினும், பசிந்து சூரியபண்டார 92 மற்றும் கமிந்து மெண்டிஸ் 55 ஓட்டங்களுடன் அணியை மீட்டெடுத்தனர்.
கடைசி நாளில் சோனல் தினுஷா மீண்டும் அபாரமாக விளையாடி, கேசர நுவந்தவுடன் இணைந்து 7ஆவது விக்கெட்டுக்கு 112 ஓட்டங்கள் சேர்த்தார்.
இறுதியில் சோனல் தினுஷா 133 ஓட்டங்களுடன் ஆட்டமிழக்காமல் இருந்த நிலையில், இலங்கை அணி 154 ஓவர்களில் 9 விக்கெட் இழப்புக்கு 429 ஓட்டங்கள் பெற்றிருந்தபோது ஆட்டம் சமநிலையில் முடிவடைந்தது.
⭐ இந்த டெஸ்டில் சோனல் தினுஷாவின் இரு இன்னிங்ஸ்களிலும் சதம் அடித்த வரலாற்றுச் சிறப்புமிக்க ஆட்டம், இலங்கை அணியை தோல்வியிலிருந்து மீட்ட முக்கிய காரணமாக அமைந்தது.
