Sri Lanka Cricket அமைப்பு 2026–2027 சீசனுக்கான தேசிய வீரர் ஒப்பந்த பட்டியலை வெளியிட்டுள்ளது. இதில் மொத்தம் 46 வீரர்கள் தேர்வு செய்யப்பட்டுள்ளனர்.
அதன்படி, ஒப்பந்த காலம் 2026 ஏப்ரல் 1 முதல் 2027 மார்ச் 31 வரை அமல்பெறும் என SLC தெரிவித்துள்ளது.
வீரர்கள் A1, A2, B1, B2, C1 மற்றும் Central Contract என செயல்திறன், நிலைத்தன்மை, உடல்நலம், திறமை மற்றும் தேசிய அணியின் தேவைகளின் அடிப்படையில் வகைப்படுத்தப்பட்டுள்ளனர்.
இந்நடவடிக்கை மூலம் வீரர்களுக்கு தேவையான ஆதரவு, பயிற்சி வசதிகள் மற்றும் வளங்கள் வழங்கப்பட்டு, சர்வதேச போட்டிகளில் சிறந்த திறமையை வெளிப்படுத்தும் வகையில் அமைப்பு மேற்கொள்ளப்படுவதாக SLC தெரிவித்துள்ளது.
புதிய ஒப்பந்த பட்டியலில் கமில் மிஷாரா, லசித் குரூஸ்புல், விஜயகாந்த் வியாஸ்காந்த், இசிதா விஜயசுந்தர, வனுஜா சஹான், திலம் சுதீரா மற்றும் தரிந்து ரத்நாயக்கே ஆகியோர் இடம்பெற்றுள்ளனர்.
வீரர்களுக்கு வாழ்த்துகளை தெரிவித்துள்ள SLC, இந்த ஒப்பந்தங்கள் திறமையை அங்கீகரிப்பதுடன் புதிய திறமைகளை வளர்ப்பதற்கும், தேசிய அணிக்கான வலுவான வீரர் குழுவை உருவாக்குவதற்குமான தொடர்ச்சியான முயற்சியின் ஒரு பகுதியாகும் என தெரிவித்துள்ளது.
