இலங்கை: 2026ஆம் ஆண்டு நடைபெற்ற 5ஆம் தர புலமைப்பரிசில் பரீட்சையின் பெறுபேறுகளின் அடிப்படையில், 2027ஆம் கல்வியாண்டில் பாடசாலைகளில் தரம் 6க்கு மாணவர்களை அனுமதிப்பதற்கான வெட்டுப்புள்ளிகள் (Cut-off Marks) தற்போது வெளியிடப்பட்டுள்ளன.
இதற்கமைய, தரம் 6 அனுமதிக்காக ஒவ்வொரு பாடசாலைக்கும் நிர்ணயிக்கப்பட்டுள்ள வெட்டுப்புள்ளிகளை மாணவர்கள், பெற்றோர்கள் மற்றும் பொதுமக்கள் கல்வி அமைச்சின் உத்தியோகபூர்வ இணையத்தளத்தின் ஊடாகப் பார்வையிட முடியும்.
குறித்த வெட்டுப்புள்ளிகள் தொடர்பான விபரங்களை கல்வி அமைச்சின் உத்தியோகபூர்வ இணையத்தளமான www.moe.gov.lk ஊடாகப் பெற்றுக்கொள்ள முடியும்.
மேலும், 2027ஆம் ஆண்டில் தரம் 6க்கு அனுமதி வழங்கப்பட்டுள்ள மாணவர்களுக்குத் தங்களுக்குக் கிடைத்துள்ள பாடசாலை எது என்பதை அறிந்துகொள்வதற்கான வசதியும் ஏற்படுத்தப்பட்டுள்ளது.
இதற்காக https://g6application.moe.gov.lk/ என்ற விசேட இணையத்தளத்திற்குச் சென்று மாணவர்கள் தமக்கு ஒதுக்கப்பட்டுள்ள பாடசாலை தொடர்பான விபரங்களைப் பரிசோதித்துப் பார்க்க முடியும்.
எனவே, 2026ஆம் ஆண்டு 5ஆம் தர புலமைப்பரிசில் பரீட்சைக்குத் தோற்றிய மாணவர்களின் பெற்றோர்கள், குறித்த இணையத்தளங்களைப் பயன்படுத்தி வெட்டுப்புள்ளிகள் மற்றும் பாடசாலை அனுமதி தொடர்பான தகவல்களைச் சரிபார்த்துக்கொள்ளுமாறு அறிவுறுத்தப்படுகின்றனர்.





