கனடாவில் நடைபெற்று வரும் FIFA Club World Cup போட்டியை காண செல்ல இந்தியர்கள் சமர்ப்பித்த விசா விண்ணப்பங்களில் 70%க்கும் மேல் நிராகரிக்கப்பட்டுள்ளதாக கனடா குடிவரவு துறை தரவுகள் தெரிவிக்கின்றன.
CTV News வெளியிட்ட தகவலின்படி, Immigration, Refugees and Citizenship Canada (IRCC) சுமார் 17,000 சுற்றுலா விசா விண்ணப்பங்களை போட்டி தொடர்பாக பரிசீலனை செய்துள்ளது. இதில் வெறும் 41% மட்டுமே அனுமதிக்கப்பட்டுள்ளது.
இந்தியர்கள் மொத்தம் 1,225 விண்ணப்பங்களை சமர்ப்பித்துள்ளனர். இது அனைத்து நாடுகளிலும் நான்காவது அதிக எண்ணிக்கையாகும். இதில் 355 விசாக்கள் (சுமார் 29%) மட்டுமே அனுமதி பெற்றுள்ளன.
கானா (Ghana) அதிகபட்சமாக 1,725 விண்ணப்பங்களை சமர்ப்பித்திருந்தாலும், அவற்றில் 11%க்கும் குறைவானவை மட்டுமே ஏற்றுக்கொள்ளப்பட்டுள்ளன. கொலம்பியா (Colombia) இரண்டாவது இடத்தில் இருந்து 1,630 விண்ணப்பங்களில் சுமார் 70% அனுமதி பெற்றுள்ளது.
பாகிஸ்தான் 1,250 விண்ணப்பங்களை சமர்ப்பித்த நிலையில், வெறும் 102 விண்ணப்பங்கள் (9%க்கும் குறைவு) மட்டுமே அனுமதிக்கப்பட்டுள்ளன.
இந்த தகவல்கள் IRCC வெளியிட்ட நவம்பர் 15 முதல் மார்ச் 31 வரையிலான தரவுகளை அடிப்படையாகக் கொண்டவை.
