நிதி நெருக்கடி காரணமாக அத்தியாவசியமற்ற இராணுவப் பயிற்சிகளை நிறுத்த பிரிட்டிஷ் இராணுவத்திற்கு அறிவுறுத்தல்!
நிதி நெருக்கடியை சமாளிக்கும் வகையில், பிரிட்டிஷ் இராணுவம் மேற்கொள்ளும் அத்தியாவசியமற்ற பயிற்சிகளை குறைக்குமாறு அறிவுறுத்தப்பட்டுள்ளதாக BBC தெரிவித்துள்ளது.
🔹 வெளிநாடுகளுக்கு அனுப்பப்படவுள்ள அல்லது ஏற்கனவே பணியில் ஈடுபட்டுள்ள இராணுவப் பிரிவுகளின் பயிற்சிகள் தொடர்ந்து இடம்பெறும்.
🔹 ஆனால், குறிப்பிட்ட பணியமர்த்தலுக்குத் தயாராகாத பிரிட்டனுக்குள் உள்ள படைப்பிரிவுகளின் சில கூட்டு இராணுவப் பயிற்சிகள் குறைக்கப்படவுள்ளன.
🔹 பெரிய அளவிலான நேரடி துப்பாக்கிச் சூட்டு பயிற்சிகள் மற்றும் போர் நடவடிக்கைகளை ஒத்திகை செய்யும் சில பயிற்சிகள் இடைநிறுத்தப்படவுள்ளன.
🔹 டாங்கிகள் மற்றும் Apache ஹெலிகொப்டர்கள் தொடர்பான திட்டமிடப்பட்ட சில பயிற்சிகளும் ரத்து செய்யப்பட்டுள்ளதாக தெரிவிக்கப்படுகிறது.
அதேவேளை, ட்ரோன் மற்றும் எதிர்-ட்ரோன் போர் நுட்பங்கள் உள்ளிட்ட உக்ரைன் போரிலிருந்து கிடைத்த அனுபவங்களை அடிப்படையாகக் கொண்ட நவீன பயிற்சிகளுக்கு தொடர்ந்து முன்னுரிமை வழங்கப்படும் என பிரிட்டிஷ் இராணுவம் தெரிவித்துள்ளது.
💷 பாதுகாப்புத் துறைக்கான செலவினம் அதிகரிக்கப்பட்டாலும், புதிய ஆயுதத் திட்டங்களுக்கு அதிகளவு நிதி ஒதுக்கப்பட்டுள்ளதால், இராணுவப் பயிற்சிகளுக்கான நிதியில் அழுத்தம் ஏற்பட்டுள்ளதாக தெரிவிக்கப்படுகிறது.
📌 பயிற்சிகளை குறைக்கும் இந்த நடவடிக்கை பெரும்பாலான 2026ஆம் ஆண்டு காலப்பகுதியில் தொடரும் என எதிர்பார்க்கப்படுகிறது.
