பசிபிக் பெருங்கடலில் அசாதாரணமாக வெப்பமான நீர் காரணமாக, El Niño காலநிலை முறை தீவிரமடைந்து வருகிறது, இன்னும் அதன் உச்சத்தை எட்டவில்லை. கணிப்பாளர்கள் கூற்றுப்படி, இது 2027 பிப்ரவரி வரை தொடர்வதற்கு 100% அருகில் வாய்பு உள்ளது. இதனால் வரும் மாதங்களில் உலகின் பெரும்பகுதியில் அசாதாரண வெப்ப நிலை ஏற்படும். இந்த நிகழ்வு காரணமாக பல மாதங்களுக்கு கடுமையான வெப்பம், வெள்ளம், வறட்சி மற்றும் உலகளவில் இடையூறு விளைவிக்கும் வானிலை குறித்து கவலை எழுந்துள்ளது.
இந்த நிகழ்வு ஏற்கனவே முழுமையாக உருவாகிவிட்டது, மேலும் 2026 இறுதியில் உச்சத்தை அடைந்து “மிகவும் வலுவானதாக” மாறும் என்று உலக வானிலை அமைப்பு [WMO] வெளியிட்டுள்ள புதிய கணிப்புகள் தெரிவிக்கின்றன.
2027 பிப்ரவரி வரை El Niño நீடிக்கும் வாய்பு தற்போது 100% அருகில் உள்ளது. El Niño அல்லது அதன் குளிர்ந்த எதிர் நிலையான La Niña குறித்து ஐநா வானிலை அமைப்பு இவ்வளவு நம்பிக்கையுடன் கணிப்பு வெளியிட்டது இதுவே முதல் முறை.
பெரியஅளவிலானவெப்பநீர்கையிருப்பு
வெப்பமண்டல பசிபிக் பகுதியின் மேற்பரப்புக்கு கீழே, அசாதாரணமாக வெப்பமான நீரின் மிகப்பெரிய பகுதி அடுத்த மாதங்களில் El Niño-வை தொடர்ந்து தூண்டலாம்.
பசிபிக் பகுதியின் சில இடங்களில், ஜூலை மற்றும் ஆகஸ்ட் தொடக்கத்தில் மேற்பரப்புக்கு கீழே உள்ள நீரின் வெப்பநிலை இயல்பை விட 8°C [14°F] வரை அதிகமாக இருந்தது.
பசுமை இல்ல வாயு வெளியேற்றம் காரணமாக பூமி ஏற்கனவே மிகவும் வெப்பமாக இருக்கும் நிலையில் இது நடக்கிறது.
“நம் கண் முன்னே El Niño மிகப்பெரியதாக வளர்கிறது” என்று ஐநா பொதுச் செயலாளர் அன்டோனியோ குட்டெரஸ் வியாழக்கிழமை வெளியிட்ட செய்திக் குறிப்பில் தெரிவித்தார். “அறிவியல் சந்தேகத்திற்கு இடமில்லை: பூமி அறிமுகமில்லாத நீரில் உள்ளது, அந்த நீரும் வெப்பமடைகிறது.”
El_Niño_என்றால்_என்ன?
El Niño என்பது பொதுவாக 2 முதல் 7 ஆண்டுகளுக்கு ஒரு முறை உருவாகும் இயற்கையான காலநிலை முறையாகும். மத்திய மற்றும் கிழக்கு பூமத்திய பசிபிக் பகுதியில் உள்ள நீர் அசாதாரணமாக வெப்பமடையும் போது இது ஏற்படுகிறது. இந்த வெப்பம் ஆயிரக்கணக்கான மைல்களுக்கு அப்பால் காற்று மற்றும் மழை முறைகளை மாற்றி, உலகெங்கும் மழை மற்றும் வெப்பநிலையை மாற்றும்.
ஆனால் இந்த El Niño அசாதாரணமான அடிப்படையில் இருந்து தொடங்குகிறது. பெருங்கடல்கள் ஏற்கனவே அசாதாரணமாக வெப்பமாக உள்ளன, இது அதன் விளைவுகளை அதிகரிக்கலாம்.
மனிதனால் ஏற்படும் காலநிலை மாற்றம் El Niño-வையே வலுவாக்குகிறது என்று விஞ்ஞானிகள் இன்னும் நிரூபிக்கவில்லை. இருப்பினும், வெப்பமான வளிமண்டலமும் பெருங்கடலும் அதிக வெப்பம் மற்றும் ஈரப்பதத்தை சேர்து தீவிர வானிலையின் தாக்கங்களை மோசமாக்கலாம்.
எவ்வளவுவேகமாகவளர்கிறது
இந்த நிகழ்வு எவ்வளவு வேகமாக உருவாகிறது என்பதை சமீபத்திய தரவுகள் காட்டுகின்றன.
மத்திய வெப்பமண்டல பசிபிக் பகுதியில் உள்ள பெருங்கடல் வெப்பநிலையை அளக்கும் Niño 3.4 குறியீடு, மே முதல் ஜூலை வரை இயல்பை விட 1.5°C அதிகமாக இருந்தது. ஜூலை மாதத்தில் 2°C-ஐ எட்டியது, ஜூலை இறுதி முதல் ஆகஸ்ட் நடுப்பகுதி வரையிலான வாராந்திர அளவுகள் 2.6°C வரை உயர்ந்தன.
வெப்பம் மேற்பரப்புக்கு கீழே ஆழமாகவும் பரவியுள்ளது. இது வெப்பம் தற்காலிகமானது அல்ல என்பதையும் El Niño-வுக்கு இன்னும் நிறைய ஆற்றல் உள்ளது என்பதையும் குறிக்கிறது.
உலகம்முழுவதும்சமற்ற_தாக்கங்கள்
மிகவும் வலுவான El Niño என்பது ஒவ்வொரு பிராந்தியமும் ஒரே அளவிலான பேரழிவை சந்திக்கும் என்று அர்தமல்ல.
செப்டம்பர் முதல் நவம்பர் வரை, பூமியின் கிட்டத்தட்ட முழுவதிலும் இயல்பை விட அதிக வெப்பநிலை இருக்கும் என்று கணிப்பாளர்கள் எதிர்பார்க்கின்றனர்.
மழை முறைகளும் மாறுகின்றன. சில பகுதிகளில் கனமழை மற்றும் வெள்ளம் ஏற்படும் அபாயம் அதிகமாக உள்ளது, மற்றவை வறட்சியை சந்திக்கலாம்.
பிற காலநிலை காரணிகளும் தாக்கத்தை அதிகரிக்கலாம். நேர்மறையான இந்தியப் பெருங்கடல் இருமுனை நிகழ்வு உருவாகும் என்றும், வெப்பமண்டல அட்லாண்டிக் அசாதாரணமாக வெப்பமாக இருக்கும் என்றும் கணிக்கப்பட்டுள்ளது.
இந்த ஒன்றுடன் ஒன்று பின்னிப்பிணைந்த முறைகள் காரணமாக, எந்த ஒரு நாட்டிற்கான சரியான தாக்கங்களையும் கணிப்பது சாத்தியமில்லை. ஆனால் ஒட்டுமொத்தமாக, அபாயம் அதிகரிக்கும் காலத்தை இது சுட்டிக்காட்டுகிறது.
“El Niño என்றால் ஸ்பானிஷில் ‘சிறுவன்’ என்று பொருள், ஆனால் இது உலகெங்கிலும் உள்ள சமூகங்கள் மற்றும் பொருளாதாரங்களுக்கு பெரிய அடியை தரக்கூடிய ஆற்றலைக் கொண்டுள்ளது” என்று WMO தலைவர் செலஸ்டே சவுலோ கூறினார். “வறட்சி மற்றும் வெள்ளத்தால் ஏற்படும் இடையூறுகளையும் அழிவுகளையும் நாம் ஏற்கனவே காண்கிறோம், El Niño தீவிரமடையும் போது இந்த தாக்கங்கள் மோசமாகும் என்று எதிர்பார்கிறோம்.”
வரலாற்றுசிறப்புமிக்கஉலகளாவிய_பதில்
இந்த கணிப்பு ஒரு அசாதாரண பதிலைத் தூண்டியுள்ளது. முதல் முறையாக, அபாயங்கள் அதிகரிக்கும் நிலையில் கணிப்புகள் மற்றும் முன்னெச்சரிக்கை அமைப்புகளை வலுப்படுத்த WMO தேசிய வானிலை முகமைகளுடன் பெரிய அளவிலான திரட்டலை தொடங்கியுள்ளது.
விவசாயம், பொது சுகாதாரம், எரிசக்தி மற்றும் நீர் விநியோகம் ஆகியவற்றின் மீதான தாக்கங்களுக்கு அரசுகள் மற்றும் மனிதாபிமான குழுக்கள் தயாராக உதவுவதே இதன் நோக்கம்.
“இந்த அசாதாரண El Niño, அசாதாரண தயாரிப்பு மற்றும் பதிலை கோருகிறது” என்று திருமதி சவுலோ கூறினார்.
இந்த El Niño-வின் பெரும்பகுதி இன்னும் வரவில்லை. இது ஏற்கனவே அசாதாரணமாக வலுவாக உள்ளது, இன்னும் உச்சத்தை எட்டவில்லை.
இப்போது உள்ள கேள்வி El Niño வலுப்படுமா என்பது அல்ல, மாறாக அது எவ்வளவு வெப்பத்தையும் இடையூறையும் விட்டுச் செல்லும் என்பதுதான்.
அனர்த்த முகாமைத்துவ மத்திய நிலையத்தின் அம்பாறை மாவட்ட பிரதிப் பணிப்பாளர் எம்.ஏ.சீ.எம். றியாஸ்
