அமெரிக்கா பூமியின் சுற்றுப்பாதையில் (Orbit) விண்வெளி ஆயுதம் ஒன்றை நிலைநிறுத்தியுள்ளதாக முதன்முறையாக அதிகாரப்பூர்வமாக உறுதி செய்துள்ளது.
அமெரிக்க விமானப்படைச் செயலாளர் Troy Meink, எதிரிகளின் அச்சுறுத்தல்களில் இருந்து அமெரிக்கப் படைகளைப் பாதுகாப்பதற்காக இந்த “on-orbit” ஆயுதம் அவசியம் எனத் தெரிவித்துள்ளார்.
எனினும், அந்த ஆயுதத்தின் தன்மை, திறன் அல்லது அது எப்போது விண்ணில் செலுத்தப்பட்டது என்பது குறித்து அவர் மேலதிக தகவல்களை வெளியிடவில்லை.
🔹 ரஷ்யா மற்றும் சீனா செயற்கைக்கோள்களைத் தாக்கவும், செயலிழக்கச் செய்யவும் கூடிய விண்வெளித் திறன்களை உருவாக்கி வருவதாக அமெரிக்கா நீண்டகாலமாக எச்சரித்து வருகிறது.
🔹 2019ஆம் ஆண்டு உருவாக்கப்பட்ட US Space Force, அமெரிக்காவின் விண்வெளி சொத்துக்கள் மற்றும் செயற்கைக்கோள்களைப் பாதுகாப்பதை முக்கியப் பணியாகக் கொண்டுள்ளது.
🔹 1967ஆம் ஆண்டின் சர்வதேச உடன்படிக்கை விண்வெளியில் பேரழிவு ஏற்படுத்தக்கூடிய ஆயுதங்களை (Weapons of Mass Destruction) நிலைநிறுத்துவதைத் தடை செய்கிறது. ஆனால் செயற்கைக்கோள்களைத் தாக்குதல் அல்லது செயலிழக்கச் செய்தல் போன்ற பிற வகையான விண்வெளி இராணுவ நடவடிக்கைகள் அந்த உடன்படிக்கையில் நேரடியாகத் தடை செய்யப்படவில்லை.
அமெரிக்க Space Force தெரிவிப்பதன்படி, எதிரிகளின் விண்வெளித் திறன்களை தடுப்பது, பலவீனப்படுத்துவது அல்லது தேவையானபோது அழிப்பது போன்ற தாக்குதல் மற்றும் தற்காப்பு நடவடிக்கைகளில் விண்வெளி ஆயுதங்கள் பயன்படுத்தப்படலாம்.
இந்த அறிவிப்பு, அமெரிக்கா–ரஷ்யா–சீனா இடையிலான விண்வெளி இராணுவப் போட்டி மேலும் தீவிரமடையக்கூடும் என்ற கவலையை ஏற்படுத்தியுள்ளது.
