TikTok-ன் தாய் நிறுவனமான ByteDance-ன் இணை நிறுவனர் Zhang Yiming, 43 வயதில் இந்திய கோடீஸ்வரர் Gautam Adaniயை பின்னுக்குத் தள்ளி, ஆசியாவின் செல்வந்தராக உயர்ந்துள்ளதாக Bloomberg Billionaires Index தெரிவித்துள்ளது.
Bloomberg மதிப்பீட்டின்படி, Zhang Yiming-ன் சொத்து மதிப்பு தற்போது சுமார் 105.5 பில்லியன் அமெரிக்க டொலர்கள் ஆகும். அதேவேளை, Gautam Adani-யின் சொத்து மதிப்பு 104.8 பில்லியன் டொலர்கள் என மதிப்பிடப்பட்டுள்ளது.
2019 மார்ச் மாதத்தில் சுமார் 13 பில்லியன் டொலர்களாக இருந்த Zhang-ன் சொத்து மதிப்பு, கடந்த சில ஆண்டுகளில் எட்டு மடங்குக்கும் அதிகமாக உயர்ந்துள்ளது.
ByteDance நிறுவனத்தின் மதிப்பீடுகள் BlackRock, Fidelity Investments மற்றும் T. Rowe Price உள்ளிட்ட முக்கிய முதலீட்டு நிறுவனங்களின் புதிய மதிப்பீடுகளின் பின்னர் அதிகரித்ததே Zhang-ன் சொத்து மதிப்பு உயர்வுக்கு முக்கிய காரணமாகக் குறிப்பிடப்படுகிறது.
TikTok-ஐ உருவாக்கிய ByteDance, சமூக ஊடகத் துறையுடன் மட்டுமின்றி செயற்கை நுண்ணறிவு (AI) துறையிலும் விரிவடைந்து வருகிறது. Doubao chatbot மற்றும் Seedance video-generation tool உள்ளிட்ட AI தயாரிப்புகளை நிறுவனம் உருவாக்கியுள்ளது.
இதனிடையே, கடந்த ஜூன் மாதம் சுமார் 120 பில்லியன் டொலர்களை எட்டியிருந்த Adani-யின் சொத்து மதிப்பு, பங்குச் சந்தை மாற்றங்கள் மற்றும் அதிகரித்த எண்ணெய் விலைகள் மற்றும் பத்திர வருவாய்களுடன் தொடர்புடைய சந்தை அழுத்தங்களுக்கு மத்தியில் குறைந்துள்ளதாக தெரிவிக்கப்பட்டுள்ளது.
Bloomberg Billionaires Index மதிப்பீடுகள் சந்தை நிலவரங்கள் மற்றும் நிறுவனங்களின் மதிப்பீடுகளுக்கு ஏற்ப தொடர்ந்து மாறக்கூடியவை என்பது குறிப்பிடத்தக்கது.
