இந்தியாவின் இளம் செஸ் நட்சத்திரமான ஆர். பிரக்ஞானந்தா, அமெரிக்காவின் செயின்ட் லூயிஸில் நடைபெற்ற Grand Chess Tour போட்டியில் அசத்தலான வெற்றியைப் பதிவு செய்து புதிய வரலாறு படைத்துள்ளார்.
இறுதிப் போட்டியில் அமெரிக்காவின் முன்னணி செஸ் வீரரான ஃபேபியானோ காருவானாவை எதிர்கொண்ட பிரக்ஞானந்தா, ஆரம்ப கட்டத்தில் 9–3 என்ற புள்ளிகள் கணக்கில் பின்தங்கியிருந்தார்.
எனினும், போட்டியின் அடுத்த கட்டங்களில் சிறப்பான ஆட்டத்தை வெளிப்படுத்திய அவர், புள்ளி வித்தியாசத்தை படிப்படியாகக் குறைத்து வெற்றிப் பாதைக்கு திரும்பினார்.
இறுதியில் 15–13 என்ற புள்ளிகள் கணக்கில் காருவானாவை வீழ்த்தி பிரக்ஞானந்தா சாம்பியன் பட்டத்தை கைப்பற்றினார்.
இந்த வெற்றியின் மூலம் Grand Chess Tour பட்டத்தை வென்ற முதல் இந்திய வீரர் என்ற பெருமையையும் அவர் பெற்றுள்ளார்.
போட்டியில் சாம்பியனான பிரக்ஞானந்தாவுக்கு 2 இலட்சம் அமெரிக்க டொலர் பரிசுத் தொகை வழங்கப்படவுள்ளது.
ஆரம்பத்தில் கடுமையாக பின்தங்கிய நிலையிலிருந்து அபாரமான மீள்வெற்றியைப் பதிவு செய்து பட்டத்தை கைப்பற்றிய பிரக்ஞானந்தாவின் சாதனைக்கு இந்திய விளையாட்டு ரசிகர்கள் மற்றும் சர்வதேச செஸ் சமூகத்தினர் வாழ்த்து தெரிவித்து வருகின்றனர்.
