விளக்கமறியலில் வைக்கப்பட்டுள்ள ஸ்ரீலங்கா பொதுஜன பெரமுன (SLPP) நாடாளுமன்ற உறுப்பினர் நாமல் ராஜபக்ஷ இன்று நாடாளுமன்ற அமர்வில் கலந்துகொண்டு அரசாங்கத்தின் செயல்பாடுகளை விமர்சித்துள்ளார்.
அரசாங்கம் மக்களுக்கு வழங்கிய வாக்குறுதிகளை நிறைவேற்றத் தவறியுள்ளதாகவும், பொதுமக்களை தவறாக வழிநடத்தும் வகையில் செயற்படுவதாகவும் அவர் குற்றம்சாட்டினார்.
நாட்டில் அதிகரித்துள்ள வாழ்க்கைச் செலவு மற்றும் பொருளாதார அழுத்தங்களுக்கு மத்தியில் பொதுமக்களுக்கு நிவாரணம் வழங்குவதுடன், அத்தியாவசியப் பொருட்களின் விலைகளைக் குறைப்பதில் அரசாங்கம் அதிக கவனம் செலுத்த வேண்டும் எனவும் நாமல் ராஜபக்ஷ வலியுறுத்தினார்.
விளக்கமறியல் நிலையிலிருந்து பொலிஸ் பாதுகாப்புடன் நாடாளுமன்றத்திற்கு அழைத்து வரப்பட்ட அவர், தனது உரையின்போது தனது கைது அல்லது தற்போது நடைபெற்று வரும் வழக்கு தொடர்பில் எந்தக் கருத்தையும் முன்வைக்கவில்லை என்பது குறிப்பிடத்தக்கது.
