சுமார் 90 ஆண்டுகளாக கணிதவியலாளர்களுக்கு சவாலாக இருந்து வந்த Navier–Stokes கணிதப் பிரச்சினையில், புதிய செயற்கை நுண்ணறிவு (AI) மாதிரியைப் பயன்படுத்தி குறிப்பிடத்தக்க முன்னேற்றத்தை அடைந்துள்ளதாக OpenAI அறிவித்துள்ளது.
OpenAI-யின் தகவலின்படி, சுமார் 10,000 AI முகவர்கள் (AI agents) ஒன்றிணைந்து செயல்பட்டு, வெறும் 88 மணி நேரத்தில் Navier–Stokes equations தொடர்பான சிக்கலான கணிதப் பிரச்சினைக்கு தீர்வொன்றை உருவாக்கியுள்ளனர்.
திரவங்கள் எவ்வாறு நகர்கின்றன, குறிப்பாக காற்று மற்றும் நீரின் ஓட்டம் மற்றும் turbulence (கொந்தளிப்பு) போன்றவற்றைப் புரிந்துகொள்வதில் Navier–Stokes சமன்பாடுகள் முக்கியமானவை. இந்த சமன்பாடுகளின் சில முக்கிய அம்சங்களுக்கு பல தசாப்தங்களாக முழுமையான கணித ஆதாரம் கிடைக்கவில்லை.
OpenAI கூறுவதன்படி, AI முகவர்கள் இந்தப் பணிக்காக சுமார் 30 இலட்சம் செய்திகள் பரிமாறிக் கொண்டதுடன், சுமார் 130 பில்லியன் output tokens பயன்படுத்தியுள்ளனர். இதற்கான கணக்கிடப்பட்ட செலவு சுமார் 10 மில்லியன் அமெரிக்க டொலர்கள் எனவும் தெரிவிக்கப்பட்டுள்ளது.
எனினும், இது இன்னும் சுயாதீனமாக சரிபார்க்கப்படவில்லை. அமெரிக்காவின் Clay Mathematics Institute இந்தத் தீர்வை அதிகாரப்பூர்வமாக ஏற்றுக்கொண்டதாகவும் அறிவிக்கவில்லை. மேலும், OpenAI உருவாக்கிய தீர்வு Millennium Prize-க்கு தேவையான நான்கு முக்கிய கூற்றுகளில் இரண்டை மட்டுமே நிரூபித்துள்ளதாக தெரிவிக்கப்பட்டுள்ளது.
இதனால், OpenAI தனது கண்டுபிடிப்பை 1 மில்லியன் அமெரிக்க டொலர் Millennium Prize-க்கான தீர்வாகக் கோரவில்லை என்றும், AI மாதிரிகளின் கணிதத் திறனில் ஏற்பட்டுள்ள முன்னேற்றத்தை வெளிப்படுத்துவதே இதன் நோக்கம் என்றும் கூறியுள்ளது.
இதனிடையே, நியூயோர்க் பல்கலைக்கழக கணிதப் பேராசிரியர் Tristan Buckmaster மற்றும் Anthropic-இல் பணியாற்றும் கணிதவியலாளர் Levent Alpöge ஆகியோர் இதே பிரச்சினையில் ஆராய்ச்சி மேற்கொண்டு வந்ததாகவும், தங்களது ஆய்வுத் தகவல்கள் OpenAI-க்கு சென்றிருக்கலாம் என Buckmaster கேள்வி எழுப்பியிருப்பதும் விவாதத்தை ஏற்படுத்தியுள்ளது.
OpenAI, தாங்கள் அவர்களின் ஆய்வுப் பணிகளை பொதுவெளியில் வெளியிடுவதற்கு முன்பு எந்த வழியிலும் பார்த்திருக்கவில்லை என்றும், பயனர்களின் தரவை அணுகி இந்த ஆய்வை மேற்கொள்ளவில்லை என்றும் மறுத்துள்ளது.
குறிப்பு: இது தற்போது OpenAI-யின் அறிவிப்பு மட்டுமே; கணித சமூகத்தால் முழுமையாக சரிபார்க்கப்பட்ட இறுதியான தீர்வு என இதுவரை கூற முடியாது.
